Transcription
1
Reçue à Crest, le 13 avril 1573.
2
Monsieur de Gordes, encores que le roy monsieur mon filz soit assez asseuré de
3
laffection que vous avez à son service et du soing que vous prenez à prendre
4
garde quil nadvienne aucune chose en voz quartiers qui soit à son prejudice,
5
il vous a bien voullu faire ceste depesche affin que vous soyez bien adverty
6
des advis quil a du remuement qui sy prepare, pour y donner ordre et
7
descouvrir qui sont les autheurs de telles menées et praticques, et y
8
remedier de telle façon que ceulx qui les favorisent y preignent exemple,
9
sans toutesfoys mectre en oppinion ceulx qui sont demeurez en leurs
10
maisons adhérens à leur oppinion que lon veille rien entreprendre au contraire
11
de ce qui leur a esté promis ; en quoy je masseure que vous scaurez
12
si bien suivre sa vollunté et intention quil nest besoing vous en faire
13
autre recommandation, qui est cause que je ne vous feray plus longue lettre,
14
priant Dieu, monsieur de Gordes, vous avoir en sa garde, escript à
15
Fontainebleau, le VIIIe jour davril 1573
16
Caterine
17
de Neufville s[ecretai]re